SENT SALVADOR (Comuna)

Quand preni la carta "chaleur" de l'atlàs lingüistic del Lengadòc occidental, vesi que Brageirac, Sijac, La Linda, Al Buga,... dison [ka'lu], [kɔ'lu]. Mès per "sueur" i a [ur] pertot. Quò depend donc del mot.
La carta "chaufferette" dona calfapè pertot, manca del costat de Velinas que ditz caufapè.

I aurá donc mestier de tornar a Sent Salvador per precisar la fòrma fonetica…

Per lo canton de Velinas, qu’es logic, sem dins una zòna sud-occitana mas emb vocalisacion de -l (influença dau gascon) : i disen gau, casteu, caufar, etc…

La zòna que compren los cantons de La Fòrça, dau Sigolés e d’Aimet es mens segura, que l’isoglòssa -u/-l me sembla pas èsser estada estudiada. (cf. l’incertituda per Aubin / Albin)

Ai cercat un pauc mai dins lus atlàs e ai vist que la prononciacion de la finala -ador, coma dins Salvador, es pas coma -or. Lavador, bufador, tirador e ventador se pronóncion tuts emb [u] e jamai [ur] a la fin dins tota la partida lengadociana del Perigòrd, tanben del costat de Brageirac.

Òc, quò seriá confòrme a la fòrma orala que donet lo mera, siá [ʂalva’du]

Joan escriguet :
Verificacion faita, òm ditz apr'aicí /sansalvadu/, fonetica aproximativa (los /s/ son API 136) lo /-r/ final
s'entend pas chas cap de mos informators ; lo problèma (ne caldrà parlar quauque jorn) es que dins los
vilatges de l'ora d'ara, i a de mai en mai de monde que n'an pas l'occitan de l'endreit ; que n'an pas pro
de pratica de la lenga ; que son influençats per lo francés (Saint-SauveuR !) ; e que son tot parier de
bona fe !

Joan-Claudi escriguet :
Efectivament, ai la confirmacion (per doas personas de mon talhièr) que a Brageirac, òm ditz valor, flor e tots los mots en -or (prononciacion "our" emb -r finau) mas que òm ditz Sent Salvador (dou) e non emb r.

De mon vejaire, l'amudiment de r comença pas bien lonh de Brageirac. A Vilanòva desjà dison "flou", valou", etc.